Կոստյումների ինստիտուտի պարահանդեսն այն միջոցառումներից է, որոնց համար աստղերը ձեռք են բերում իրենց շքեղ զգեստները՝ երկար փեշեր, խորը դեկոլտեներ, փայլերի առատություն, թանկարժեք զարդեր: Այդ ամենը առատորեն կարելի է տեսնել Met Gala-ի կարմիր գորգին:
Այս տարի հայտնիները պետք է գորգին հայտնվեին Չինաստանի մշակույթին նվիրված կերպարներով:
spletnik.ru-ն ներկայացնում է դիմակահանդեսի լավագույն կերպարների թոփ-տասնյակը:
Առանց ուշադրության չէր կարող մնալ Ռիհաննայի զգեստն իր գույնով, ձևվածքով ու երկար փեշով, որը արդեն դարձել է բազմաթիվ մեմերի օբյեկտ: Զգեստի հեղինակն է չինուհի Գուո Պեյը, ով haute couture-ի վարպետ է:
Կարոլինա Կուրկովան կրել է Մայքլ Կորսի հեղինակած զգեստներից մեկը, օղեր ու աքսեսոուարներ չինական ոճով ու Giuseppe Zanotti ոսկեգույն կոշիկներ
Քեյթ Հադսոնը նախընտրել է կրել մարմինը ընդգծող ոսկեգույն զգեստ՝ Մայքլ Կորսից
Դերասանույի Կլեր Դեյնսը կրել է Valentino-ի մուգ զմրուխտե զգեստ
Թվում է՝ ինչ էլ կրի մոդել Ռոզի Հանթինգթոն-Ուայթլին, շքեղ տեսք կունենա: Այս անգամ նա կրել էր զգեստ՝ Atelier Versace-ից:
Սառա Ջեսիկա-Փարքերի կերպարը տատանվում է բարձր նորաձևության ու Հելլոուինի կոստյումների միջև: Հրե գլխանոցի հեղինակն էր Ֆիլիպ Թրեյսին:
Էմմա Ռոբերթսը նախընտրել է 100-տոկոսանոց «չինական» դարձնել միայն կլատչը, որը զարդարված էր վիշապի տեսքով: Զգեստը՝ Ralph Lauren-ի
Ումա Թուրմանը ընտրել էր սպիտակ կանացի զգեստ՝ Atelier Versace-ից
Մոդել Ջիջի Հաջիդը կրել է կարմիր զգեստ Diane von Furstenberg-ից
Աննա Վինտուրի դստեր՝ Բի Շաֆֆերի զգեստը թեմատիկայով մոտ է եղել ճապոնականին: Նա կրել է շքեղ գինեգույն զգեստ՝ Alexander McQueen-ից:
