ԱՄՆ-ի նախագահ Բարաք Օբաման Իսրայել առաջիկա այցի ժամանակ կպարգևատրվի «Իսրայել պետության ամրապնդման և դրա բնակիչների անվտագության գործում նշանակալից ներդրման համար» մեդալով։ Այս մասին հաղորդում է CNN-ը՝ վկայակոչելով Իսրայելի նախագահ Շիմոն Պերեսի հայտարարությունը:
Մեդալը ԱՄՆ-ի նախագահին կհաձնվի Երուսաղեմում գտնվող Պերեսի նստավայրում, որտեղ ներկա կգտնվեն ինչպես իսրայելցի հասարակական գործիչներ, այնպես էլ ԱՄՆ-ի վարչակազմի ներկայացուցիչներ:
Նման մրցանակ նախկինում շնորհվել է նաև ԱՄՆ-ի նախկին պետքարտուղար Հենրի Քիսինջերին և Իսրայելի ֆիլհարմոնի նվագախմբի ղեկավար Ուրի Սլոնիմին:
Նշենք, որ նախորդ տարի Օբաման Պերեսին պարգևատրել է Ազատության նախագահական մեդալով:
Ոչ պաշտոնական տվյալներով՝ Օբաման Իսրայել կարող է մեկնել մարտի 20-ին: Փորձագետները ենթադրում են, որ հանդիպման ընթացքում ԱՄՆ-ի նախագահը կփորձի համոզել Իսրայելի վարչապետ Բենիամին Նեթանյահուին հրաժարվել Իրանին հարվածելու մտքից:
