Վրաստանի պաշտպանության նախարար Իրակլի Ալասանիան այս շաբաթ կայցելի Բրյուսելում գտնվող ՆԱՏՕ-ի կենտրոնակայան: Այս մասին հայտնում է OVG առաջին ալիքը՝ հղում անելով ՆԱՏՕ-ի գլխավոր քարտուղարի՝ Հարավային Կովկասի և Կենտրոնական Ասիայի հարցերով հատուկ ներկայացուցիչ Ջեյմս Ափաթուրային:
Նրա խոսքերով՝ առաջին ուղերձն այն է, որ ՆԱՏՕ-ն ցանկանում է համագործակցություն իր բացառիկ գործընկերոջ հետ:
Երկրորդը՝Հյուսիսատլանտյան դաշինքը ցանկանում է տեսնել Վրաստանում այն, ինչ իրենք տեսել եներկրում: Երկիր, որտեղ կուսակցությունների ներկայացուցիչները նստում են միասին, քննարկում ու պայմանավորվածություն ձեռք բերում հիմնարար հարցերի շուրջը:
Ափաթուրայն ընդգծել է, որ ՆԱՏՕ-ն տեսնում է, թե ինչ է տեղի ունենում Վրաստանում:
«Գիտենք, որ ընթանում են բարդ քաղաքական բանակցություններ ու քննարկումներ, սակայն կարևոր է, որ մինչ Հյուսիսատլանտյան խորհրդի Վրաստան ժամանելը, քաղաքական ուժերը կարողանան պայմանավորվել հիմնարար հարցերի շուրջը, ցույց տան, որ Վրաստանը հադիսանում է այն երկիրը, որտեղ կարող են միասին աշխատել երկրի համար օգտակար հարցերի շուրջը, և այդ գործընթացում, վստահեցնում եմ ձեզ, ՆԱՏՕ-ն հանդիսանում է Վրաստանի գործընկերը: Մենք շատ ուշադիր հետևում ենք Վրաստանում իրադարձությունների զարգացմանը: Ես մշտական կապի մեջ եմ, և մենք հաճախ ենք քննարկում Վրաստանի հարցերը»,-ասել է Ջեյմս Ափաթուրայը:
