Ամերիկացի դերասանուհի Ումա Թուրմանն այսօր տոնում է իր 45-ամյակը, հայտնում է RIA Novosti-ն:
Դերասանուհին, որի իսկական անունն է Ումա Կարունա Թուրման, ծնվել է 1970թ. ապրիլի 29-ին Բոստոնում:
Նա 15 տարեկանում թողել է դպրոցը, որ իր կարիերան սկսի Նյու Յորքում և շարունակի ուսումը պրոֆեսիոնալ մանկական դպրոցում:
1987թ. կայացել է նրա դեբյուտը կինոյում՝ «Համբուրիր հայրիկին քնելուց առաջ» (Kiss Daddy Goodnight) ֆիլմում: Նրան, սակայն, նկատեցին միայն Սթիվեն Ֆրիրզի «Վտանգավոր կապեր» (Dangerous Liaisons, 1988) ֆիլմից հետո:
Դերասանուհու կարիերայի գագաթը եղավ Քվենտին Տարանտինոյի «Քրեական ընթերցվածք» (Pulp Fiction, 1994) ֆիլմը: Նա ստացավ «Օսկար»՝ որպես «Երկրորդ պլանի լավագույն դերասանուհի:
Ումա Թուրմանը արժանացել է կինեմատոգրաֆիական այնպիսի մրցանակների, ինչպիսիք են «Ոսկե գլոբուսը». (2003), «Յուպիտերը» (2005), Բոստոնի կինոփառատոնի մրցանակ (2009), Չիկագոյի կինոփառատոնի մրցանակ (2009), Ստոկհոլմի կինոմրցանակ (2014), MTV Movie Awards (1995, 2004, 2005) և այլն:
