Google ընկերության թոփ մենեջեր Դանիել Ֆրեդինբուրգը զոհվել է` Էվերեստից ձնահյուսի «ընկնելու» հետևանքով: Դրա պատճառը Նեպալի հզոր երկրաշարժն է: Այս մասին հաղորդում է RIA Novosti-ն:
Ֆրեդինբուրգը պատասխանատու էր Google X լաբորատորիայում գաղտնիության համար, ինչպես նաև նախաձեռնել է Google View Street-ն Էվերեստի վրա և անձամբ տեսախցիկով մասնակցել լեռան գագաթ մագլցելուն` լուսանկարների համար:
«Խորը վշտով հայտնում ենք մեր թիմի անդամներից մեկի`Դանիել Ֆրեդինբուրգի մահվան մասին: Մեր թիմի երկու այլ անդամներ կյանքին չսպառնացող վնսավածքներ են ստացել ձնահյուսի հետևանքով, որը երկրաշարժի ժամանակ ընկել է ճամբարի վրա»,- ասվում է հաղորդագրությունում: