Օրերս մամուլում հազվադեպ փաստաթղթեր են հայտնվել, որտեղ հայտարարվում են 1997թ-ի օգոստոսի 31-ին մահացած արաքայադուստր Դիանայի վերջին կամքի մանրամասները: Բրիտանական Probate Search ռեսուրսը, որը մասնագիտանում է նման փաստաթղթերի ուղղությամբ, որոշել է հրապարակել Դիանա Սփենսերի կտակի մանրամասները: Մասնավորապես, հայտնի է դարձել , որ որդիներին՝ Ուիլյամին և Հարրիին նա թողել է 30 մլն դոլար ժառանգություն: Իր մահվան դեպքում տղաների կրթության հարցի որոշումը Դիանան վստահել է մորը՝ Ֆրենսիս Շենդ Քիդդին:
«Նա ցանկացել է վստահ լինել, որ իր երեխաները լողում են սիրո մեջ: Դա այն միակ բանն է, որով նա տարված էր Չարլզից ամուսնալուծվելուց հետո: Նրա կտակը դա լիովին արտահայտում է»,- հաղորդել է թագավորական ընտանիքի կենսագիրը:
Բացի այդ արքայադուստրը 80 հազար դոլար կտակել է իր վստահված մարդ և ատենապետ Փոլ Բարրելլին: Արվեստի գործերը, կահույքը և այլ ունեցվածքը Դիանան կիսել է ընկերների միջև:
