Երեկ ուշ երեկոյան, Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանից Ազգային անվտանգության ծառայության աշխատակիցները «Երեւան-Կենտրոն» ՔԿ հիմնարկ են տեղափոխել մի անձի:
Ֆոտոլրագրող Գագիկ Շամշյանի փոխանցմամբ, երեկ Հատուկ քննչական ծառայությունը միջնորդել էր նշված դատարանին, որ որպես խափանման միջոց երկամսյա կալանք կիրառվի ոստիկանության քննչական գլխավոր վարչության հատկապես կարեւորագույն գործերով քննության վարչության ՀԿԳ ավագ քննիչ, ոստիկանության մայոր Վահան Խանզադյանի նկատմամբ:
Խանզադյանը որպես կասկածյալ անցնում է ոստիկանության քրեական հետախուզության գլխավոր վարչության նախկին պետ, գեներալ-մայոր Հովհաննես Թամամյանի դեմ հարուցված քրեական գործով: