ԱՄՆ-ի բնակչուհի Դեբորա Մեյնարդը, ով իրեն կախարդուհի է անվանում, Այովա նահանգի ստորին պալատում հեթանոսական ծես է իրականացրել: Այդ մասին հաղորդում է The Washington Post-ը: Նշվում է, որ աղոթքի ժամանակ «քրմուհին» դիմել է հինգ տարրերին՝ օդին, հողին, ջրին, կրակին և ոգուն: Բացի այդ, Մեյնարդը կոչ է արել օրենսդիրներին հարգել բոլոր մարդկանց կապող ցանցը:
Խորհրդարանը կախարդուհու կողմից օծելու նախաձեռնողը եղել է խորհրդարանականներից մեկը՝ Լիզ Բենեթը: Ըստ օրենսդրի՝ ինքը դա արել է, որպեսզի ներկաներին ցուցադրի կրոնների տարբերության առկայությունը: Բացի «քրմուհուց», Բենեթը փորձել է նիստին հրավիրել նաև լյութերական երկեղեցու ներկայացուցչի, համասեռամոլ պաստորի, ռաբբիի և զեն-բուդդայականի:
Ըստ պարբերականի՝ որոշ օրենսդրականներ հատուկ ուշացել են աշխատանքից, որպեսզի բաց թողնեն հեթանոսական ծեսը: Մյուսները կախարդուհու ելույթի ժամանակ նրան թիկունքով են շրջվել:
