Բարձր ջերմաստիճանի դեպքում թռչնակեր սարդը դառնում է արագաշարժ, բայց ոչ ճարպիկ՝ հայտնում է direct-press.ru-ն: Թռչնակեր սարդերն ունակ են բավական արագ տեղաշարժվել: Բայց նոր հետազոտության արդյունքները ցույց են տվել, որ երբեմն այդ կենդանիների արագության մեծացումը բացասաբար է ազդում շարժումների համակարգման վրա, և դրանք մի քիչ անկայուն են դառնում:
Սարդերը տեղաշարժվելու յուրահատուկ միջոց են մշակել: Կենդանիների մեծ մասի նման մկանների վրա հենվելու փոխարեն՝ նրանք օգտագործում են իրենց անոթներում արյան նման շրջանառվող հեղուկը: Այն կոչվում է հեմոլիմֆա, որը փոխարինում է սարդերի արյանը: Երբ հեմոլիմֆան հասնում է նրանց ոտքեր, վերջույթները ուղղվում են: Ոտքերը հոդերում ճկվում են մկանների հաշվին, ինչի արդյունքում հեղուկը հետ է գնում:
«Ջերմաստիճանը կարող է փոխել հեմոլիմֆայի հաստությունը կամ մածուցիկությունը»,- ասում է հետազոտության ավագ հեղինակ Աննա Անը Կալիֆոռնիայի Հարվի Մադի քոլեջից:
Հետազոտողներն ուսումնասիրել են 8 հասուն տեխասյան դարչնագույն թռչնակեր սարդի: Նրանք +15, +24, +31 և +40 աստիճան Ցելսիուսի պայմաններում փորձարկել են սարդերի արագությունը և շարժունակությունը:
Պարզվել է, որ ավելի ցածր ջերմաստիճանների դեպքում սարդերն ավելի դանդաղ են տեղաշարժվում: Ավելի շուտ՝ քանի որ հեմոլիմֆան ավելի մածուցիկ է դառնում, եզրակացնում են գիտնականները: Միաժամանակ (14-24 աստիճանի դեպքում) սարդերը հրաշալի կոորդինացիա են ցուցաբերում:
«Սակայն ավելի բարձր ջերմաստիճանների և շարժման մեծ արագությունների դեպքում երկու հոդերն արդեն ավելի վատ են կոորդինացվում իրար հետ…»,- նշում է հետազոտողը:
