Samsung Electronics ընկերությունը, հավատարիմ մնալով իր ավանդույթներին, հայտարարեց այսօրվանից մեկնարկող նոր ինտերակտիվ խաղի մեկնարկի մասին:
Samsung Electronics-ի հայաստանյան ներկայացուցչության ղեկավար Միխայիլ Բատուևը ներակայացնելով ընկերության նորագույն Samsung Galaxy S6 ու S6 Edge բազմաֆունկցիոնալ սմարթֆոնները, հայտարարեց, որ մասնակցելով «Ապագան այստեղ է» խաղին, մասնակիցները հնարավորություն ունեն ձեռք բերել ընկերության նորագույն S6 Edge սմարթֆոնը 99% զեղչով:
«Դրա համար հարկավոր է սելֆի անել Samsung-ի լոգոտիպի կամ ապրանքանիշի ֆոնին, լուսանկարը տեղադրել Samsung-Armenia-ի Facebook-յան պաշտոնական էջում ու հետևել էջում նշված հրահանգներին»,- հայտնեց Միխայիլ Բատուևը:
Samsung Armenia-ն հոգացել է նաև, որ առանց նվերների չմնան նաև խաղի լավագույն 9 մասնակիցները, որոնց համար ևս անակնկալներ են նախատեսվում:
Samsung Electronics-ի հայաստանյան ներկայացուցչության ղեկավար կոչ արեց սելֆիների սիրահարներին մասնակցել մրցույթին ու արժանանալ նվերների, իսկ մրցության կանոններին կարելի է ծանոթանալ Samsung Armenia-ի ֆեյսբուքյան էջում:
Այս սմարթֆոնները նախատեսված են հենց սելֆիների սիրահարների համար: Դրանց հիմնական տեսախցիկը 16 Մպ է, դիմայինը՝ 5 Մպ: Սմարթֆոններն ունեն նաև 3 Գբ օպերատիվ և 32 Գբ ներկառուցված հիշողություն, համալրված են Android օպերացիոն համակարգով` 5.0.2 (Lollipop):
Հիշեցնենք, որ Samsung Galaxy S6 և S6 Edge նորագույն սմարթֆոնների վաճառքը Հայաստանում կմեկնարկի ապրիլի 17-ին:
