Վաղը Գյումրիում հունվարի 12-ին Ավետիսյանների ընտանիքի սպանդն իրականացրած ռուսական ռազմաբազայի զինծառայող Վալերի Պերմյակովին տեղափոխելու են Երևան՝ ՌԴ կայազորային դատարան՝ կալանքը երկարացնելու:Այս մասին տեղեկացնում է Գյումրիի ավագանու անդամ, «Ասպարեզ» լրագրողների ակումբի նախագահ Լևոն Բարսեղյանը:
Վերջինս Facebook-ի իր էջում գրել է.
«Դիմում եմ ՀՀ գլխավոր դատախազ Գևորգ Կոստանյանին, Քննչական կոմիտեի նախագահ Աղվան Հովսեփյանին, ոստիկանապետ Վովա Գասպարյանին, ԱԱԾ պետ Գորիկ Հակոբյանին և հայտնում.
«Վաղը ապրիլի 8-ին ձեզ քաջ հայտնի Վալերի Պերմյակովին իրենց զորամասից դնելու են ավտոն` տանեն, ավելի ճիշտ` բերեն Երևան` ՌԴ կայազորային դատարան: Գիտե՞ք ինչու, որպեսզի դատարանը կալանքը երկարացնի: Ի դեպ, արդեն երկու օր է` ձեր այդ սիրելի տղեն ապօրինի է պահվում ձեր սիրելի պետության ռազմաբազայի բանտախցում, կալանքի` դատարանի որոշած ժամկետն անցել է, բայց պահում են համենայն դեպս, իրենք թքած ունեն իրենց օրենքների վրա, դուք էլ հո թքած չունե՞ք Ռուսաստանի օրենքների վրա, կարող եք անհապաղ պահանջել` մարդուն ազատ արձակեն, չի կարելի չէ՞ մարդուն ապօրինաբար անազատության մեջ պահել …
Ի՞նչ էի ասում. հիշու՞մ ես` Կոստանյան Գևորգ, որ հունվարի 21-ին ԱԺ-ում ասացիր, թե ապօրինություն է եղել, երբ ռուսաստանցի սահմանապահները սահմանին բռնելուց հետո էդ ջահելին տարել են իրենց զորամաս ու արդեն համարյա 3 ամիս է անցել` հենց էդ ապօրինությունը չես ուզում վերացնել, ոչ էլ էս մյուս ախպերներդ` Գորիկը, Աղվանը, Վովան…: Կարող է՞ իսկականից չեք ջոկում` որիդ գործն է դա, եթե մի բան չգիտեք` ոնց անել, տեսեք` օրենքով ոնց է գրած` այդպես արեք, էս անգամ էլ թող օրենքով լինի»:
Վալերի Պերմյակովը կալանավորվել է հունվարի 15-ին:
