Ռիո դե Ժանեյրոյի հյուսիսում ֆավելաներից մեկում ոստիկանի կողմից 10-ամյա տղայի սպանությունը հրահրել է տեղի բնակիչների զանգվածային ցույցեր: Այս մասին հայտնում է Globo ալիքը:
Հաղորդվում է, որ տղան և 3 մեծահասակ սպանվել են հատուկ գործողության ժամանակ, ընդ որում՝ զոհված դեռահասի հարազատները պնդում են, որ առանց որևէ պատճառի կրակել են նրա գլխին հենց սեփական տան դռան մոտ:
Համացանցում տեղադրված տեսանյութում ոստիկանները մարդկանց խմբի բացականչությունների ներքո փորձում են նահանջել թաղամասից, որտեղ տեղի է ունեցել սպանությունը: Երևում է, որ տեղի բնակիչներն իրավապահների նկատմամբ շատ ագրեսիվ են տրամադրված:
Ոստիկանությունը հետաքննություն է սկսել տղայի սպանությանը մասնակից իր աշխատակիցների նկատմամբ: Միաժամանակ, շաբաթ օրն իրավապահներն արցունքաբեր գազ են կիրառել դժբախտությունից վրդովված շրջանի ցուցարարների դեմ:
