«Երկրի հարցը» ծրագրին այսօր Վարդան Սեդրակյանը ուշագրավ մանրամասներ է բացահայտել իր և Պարույր Հայրիկյանի գործով ձերբակալվածների առնչության մասին։
Նախագահի՝ իրեն էպոսագետ ներկայացնող թեկնածու Վարդան Սեդրակյանն այսօր հայտարարել է, որ իր շուրջ ընթացող առերևույթ և չերևացող գործընթացները հանգեցնելու են իր ձերբակալմանը։ Նրա խոսքով, դեռևս աշնանից սկսված զարգացումները բերել են նրան, որ իրեն մեղադրում են ոչ միայն հոկտեմբերի 27-ի կազմակերպման, Տիգրան Նաղդալյանի սպանության, այլև այժմ արդեն Պարույր Հայրիկյանի դեմ մահափորձի կազմակերպման համար։
Այսօր նա հյուրընկալվել է «Երկրի հարցը» հաղորդմանը, որի ժամանակ նա իր ձերբակալության անգամ հստակ ժամկետն է ասել. «Ընտրությունների ավարտից հետո, երբ ամեն ինչ պարզ կլինի ու միջազգային դիտորդներն էլ հեռացած կլինեն, փետրվարի 22-23-ին ինձ կձերբակալեն։ Արդեն հստակ երևում է այն քաղաքական պատվերը, որը գալիս է նախաքննությունից… »։
