Եվա Մենդեսը որոշել է կրեատիվ կերպով տոնել ծննդյան 41-ամյակը իր սիրեցյալ Ռայան Գոսլինգի ընկերակցությամբ, ընտանիքի անդամների ու ընկերների հետ: Դերասանուհին նրանց հետ գնացել է Կալիֆոռնիայի ռոլերդրոմներից մեկը:
Եվան ու Ռայանը սիրում են սահել անվաչմուշկներով և նախկինում ևս եղել են այնտեղ: Եվային սազել է ռետրո-լուքը, որը նա ընտրել է այդ երեկոյի համար. փայլուն բարձրակրունկներ, խոշոր օղեր, պոչ կապած մազեր, գրում է E!Online-ը:
Նրա շրջապատից աղբյուրը նշել է, որ աստղային զույգի երեկույթին ներկա է եղել 15 մարդ, այդ թվում՝ դերասանների 6 ամսական դուստրը՝ Էսմերալդան:
Սակայն պապարացիները չեն կարողացել լուսանկարել փոքրիկին:
«Բոլորը հաճույքով մոտ երկու ժամ սահել են: Իսկ Եվան ու Ռայանը պարել են դիսկոյի ռիթմերի ներքո: Նրանք հիանալի ժամանակ են անցկացրել միասին՝ զբաղվելով սիրած գործով»,- մեկնաբանել է նա:
