ԴԱԻՇ («Իրաքի և Շամի իսլամական պետություն») խմբավորման գրոհայինները հրապարակել են տեսագրություն, որում երեխան ատրճանակով մահապատժի է ենթարկել իսրայելական ենթադրյալ լրտեսին։ Այս մասին գրում է Agence France-ը՝ հղում անելով SITE խմբին, որն անցկացնում է իսլամիստ ծայրահեղականների ակտիվության մոնիթորինգ համացանցում:
Կազմակերպության տվյալներով՝ տեսագրությունում Իսրայելի արտաքին հետախուզական ծառայության՝ «Մոսադ»-ի ենթադրյալ աշխատակիցն է՝ Մուհամեդ Իսմաիլ անունով: Նարնջագույն հագուստով (ինչպես հագնվում են ԴԱԻՇ-ի բոլոր պատանդները) տղամարդու հետևում կանգնած է երեխա՝ ձեռքին ատրճանակ:
Տեսագրությունում տղամարդը պատմում է, թե ինչպես է հավաքագրվել «Մոսադ»-ի կողմից: Տեսագրությունում երևում է նաև ֆրանսերեն խոսող գրոհային, որը սպառնում է Ֆրանսիայում ապրող հրեաներին: Հետո տղան, ով, ըստ երևույթին, 12 տարեկան է, կանգ է առնում Մուհամեդ Իսմաիլի առջև և կրակում նրա գլխին:
