Չինական կինովարձույթի եկամուտները պատմության մեջ առաջին անգամ գերազանցել են ամերիկյաններին, հայտնում է The Hollywood Reporter-ը: 2015 թ. փետրվարի տվյալներով՝ Չինաստանում վարձույթից եկամուտը կազմել է 650 մլն դոլար (հիմնականում սեփական արտադրության ֆիլմերով), իսկ ԱՄՆ-ում հաջողվել է հավաքել 10 միլիոնով պակաս:
Պարբերականը նշում է, որ չինական վարձույթի առաջատարը «Մարդը Մակաոյից 2» մարտաֆիլմն է (104 մլն դոլար): Երկրորդ տեղում «Վիշապի սուրը» պատմական ֆիլմն է (95 մլն դոլար), երրորդը՝ «Գայլի տոտեմը» չինական-ֆրանսիական ֆիլմը (72 մլն դոլար):
Չինաստանում հոլիվուդյան ֆիլմերի եկամուտն ավելի ցածր է եղել: Դրանցից ամենահաջողվածը՝ «Հոբբիթ 3: Հինգ զորքերի ճակատամարտը» վաստակել է 36 մլն դոլար: Հաջորդը «Քաղցած խաղեր. Ճայ-ծաղրասարյակ. մաս 1»-ն է (35,5 մլն):
