Երեկ Նորք Մարաշ թաղապետարանի մոտ տեղի ունեցած ողբերգական վթարի հետեւանքով տուժած 8 ամսական երեխայի վիճակը շարունակում է մնալ ծայրահեղ ծանր: Այս մասին քիչ առաջ մեր զրույցում ասաց «Սուրբ Աստվածամայր» բժշկական կենտրոնի տնօրեն Նիկոլայ Դալլաքյանը: «Ծայրահեղ ծանր վիճակում է, կոմայի մեջ է, ցավոք դեռ դրական դինամիկա չկա»,-եզրափակել է Դալլաքյանը:
Armtimes.com-ի փոխանցմամբ՝ վրաերթից տուժած 8 ամսական երեխայի մոր՝ 29 ամյա Աննա Հարությունյանի առողջական վիճակը լավ է, կայուն: Այս մասին ի պատասխան մեր հարցին ասաց «Սուրբ Գրիգոր Լուսավորիչ» բժշկական կենտրոնի տնօրենի տեղակալ Գագիկ Մանուկյանը՝ հավելելով, որ Աննա Հարությունանի գիտակցությունը տեղն է:
Հիշեցնենք, որ Նորք-Մարաշ վարչական շրջանի Արմենակյան փողոցում «Ֆոլքսվագեն գոլֆ» մակնիշի ավտոմեքենայի վարորդը վրաերթի էր ենթարկել 4 հոգու:
