The Beatles խմբի նախկին լոնդոնյան հավաքատեղիում՝ Սևիլ Ռոու-3 հասցեում, ծրագրվում է բացել մանկական ապրանքների խանութ: Այս մասին հաղորդվում է Վեսթմինստրի շրջանի կայքում:
Խանութը կբացի ամերիկյան մանրածախ Abercrombie & Fitch (ANF) ցանցը: Bloomberg-ը գրում է, որ իշխանությունների ծրագիրը բողոք է առաջացրել այդ փողոցում տեղակայված այլ խանութների շրջանում:
Փողոցը հայտնի է նրանով, որ այնտեղ են գտնվում պատվերով տղամարդկանց հագուստ արտադրող մի քանի կարի արհեստանոցներ, մասնավորապես՝ Gieves & Hawkes-ի, H. Huntsman & Sons-ի, Henry Poole & Co.-ի համար:
Սևիլ Ռոու-3 հասցեի շենքը ճարտարապետական կառույց է: Հինգհարկանի շինության տանիքին The Beatles-ը տվեց իր վերջին համերգը:
