Իրանական գազը շուտով մրցակից կդառնա ռուսական գազին նաև Եվրոպայի երկրների համար: Նախատեսվում է, որ 1850 կմ երկարությամբ և 40 մլրդ խմ տարեկան թողունակությամբ գազատարը, որն անցնում է Թուրքիայով, կգործարկվի 2013թ.: Նախատեսվում է, որ եվրոպական երկրներին իրանական գազը կվաճառվի ռուսական գազից 15-17%-ով ավելի էժան:
2010թ. նախորդ տարվա համեմատ Իրանի կողմից Թուրքիա արտահանվող գազի ծավալը աճել է 50%-ով: 2011թ.-ից Իրանը գազ է արտահանում նաև Սիրիա, թեև Իրանից գազ գնող հիմնական երկիրը շարունակում է մնալ Թուրքիան:
Հիշեցնենք, որ ՀՀ ներմուծվող յուրաքանչյուր խմ գազի դիմաց Իրան է արտահանվում 3 կվտ/ժամ էլեկտրաէներգիա, այդ պատճառով էլ անհնար է որոշել, թե ՀՀ վրա իրանական գազը որքան է «նստում», իսկ պաշտոնապես որևէ թիվ չի հրապարակվում:
Այդուհանդերձ, իր վերջին մամուլի ասուլիսի ժամանակ էներգետիկայի և բնական պաշարների նախարար Արմեն Մովսիսյանը հայտարարեց, որ իրանական գազը ճգնաժամային պահերին կարող է ամբողջությամբ բավարարել ՀՀ գազի պահանջարկը:
