Կիրակի Ֆրանսիայի նախագահ Ֆրանսուա Օլանդը, Գերմանիայի կանցլեր Անգելա Մերկելն ու Ռուսաստանի նախագահ Վլադիմիր Պուտինը կշարունակեն բանակցությունները՝ փնտրելու ուկրաինական խնդրի կարգավորման ուղիներ։
Գերմանիան հստակեցրել է բանակցությունների ձևաչափը՝ երեք երկրների առաջնորդները կշփվեն տեսահամաժողովի ռեժիմով։ Այս մասին հայտնում է Reuters գործակալությունը։
Երեք երկրների առաջնորդներն ուրբաթ ավելի քան 5 ժամ քննարկել են Ուկրաինայում իրավիճակի կարգավորումը։ Բարձր մակարդակով քննարկված փաստաղթղթի մանրամասները չեն հաղորդվել։ Սակայն հայտնի է, որ այն ուղղված է Մինսկի համաձայնագրի կյանքի կոչմանը։
Կողմերը որոշել են շարունակել աշխատանքը փաստաթղթի վրա։ Կրեմլում կայացած բանակցությունները Բեռլինն ու Փարիզը կառուցողական են գնահատել։
