Օքսֆորդում 300 ցուցարարներ պահանջել են չեղյալ հայտարարել ֆրանսիացի քաղաքական գործիչ, «Ազգային ճակատ» աջ կուսակցության առաջնորդ Մարին Լե Պենի ելույթը: Այս մասին հաղորդում է The Guardian-ը: Նշվում է, որ ուսանողական ակցիայի պատճառով Լե Պենի ելույթը հետաձգվել է մեկուկես ժամով:
Պարբերականը նշում է, որ իրավապահ մարմինների աշխատակիցները ստիպված են եղել փակել համալսարանի դռները, երբ ցուցարարները շատ են մոտեցել մասնաշենքի պատերին:
Ուսանողները փողոցներ են դուրս եկել «Լե Պեն՝ երբեք» և «Օքսֆորդը պետք է ամաչի» ցուցանակներով:
Ուսանողները հայտնել են, որ իրենց ակցիայի նպատակը ուլտրաաջ քաղաքական գործչի մեժամյա ելույթը չեղյալ հայտարարելն է: Նրանց խոսքերով՝ ցույցը հակաֆաշիստական է:
