Գյումրիի սպանության և դրան հետևած անկարգությունների մասին գիտի ռուսների 68%-ը, սակայն 32%-ն այդ մասին ոչինչ չի լսել: Այս մասին INTERFAX-ին հայտնել են «Լևադա-Կենտրոնում»:
Սպանության մասին լսածների հարաբերականորեն մեծ մասը կարծում է, որ այդ գործի հետաքննությունը պետք է վարեն և՛ հայ, և՛ ռուս հետաքննիչները (48%), դատը պետք է լինի ռուսական օրենքներով (42%), բայց տեղի ունենա Հայաստանի տարածքում (44%):
Այն մասին, որ գործով պետք է զբաղվեն ռուս հետաքննիչները, ասել է հարցվածների 25%-ը, հայերը՝ 21%-ը: Հունվարի 23-26-ը Ռուսաստանի 46 շրջանի 134 բնակավայրի 1600 մարդկանց շրջանում անցկացված հարցման մասնակիցների 6%-ը դժվարացել է պատասխանել:
Հարցվածների 37%-ի կարծիքով՝ դատական գործընթացը պետք է վարի հայկական դատարանը, դժվարացել է պատասխանել 21%-ը:
Նրանում, որ դատական լսումները պետք է անցկացվեն Ռուսաստանում, վստահ է հարցվածների 35%-ը, 21%-ը դժվարացել է պատասխանել:
Հունվարի 12-ին Գյումրիում սպանվել է Ավետիսյանների 7-հոգանոց ընտանիքը: Սպանության կասկածանքով ձերբակալվել է Գյումրիում տեղակայված ռուսական 102-րդ ռազմաբազայի զինծառայող Վալերի Պերմյակովը:
