Ճապոնական Sony Corp. կորպորացիան ծրագրում է մոտ ժամանակներս կրճատել իր բջջային ստորաբաժանման մինչև 1000 աշխատակիցների՝ դրա արդյունավետությունը բարձրացնելու և ծախսերը կրճատելու նպատակով: Այս մասին հայտնում է TASS-ը՝ հղում անելով ընկերության ներկայացուցիչներին:
Սպասվում է, որ կրճատումներ կլինեն Sony-ի ներկայացուցչություններում Չինաստանում, ԱՄՆ-ում և ԵՄ անդամ երկրներում: Այդպիսով՝ Sony-ի աշխատակիցների թիվը կնվազի մինչև 5000-ի: Sony-ում հույս ունեն, որ միջոցառումները հնարավորություն կտան նորից եկամտաբեր դարձնել բաժանմունքը՝ սկսած 2017 թվականից:
Անհաջողությունները բջջային սարքերի շուկայում, Apple Inc. և Samsung Electronics ընկերությունների կողմից մրցակցության սրման ֆոնին, նկատելիորեն վատացրել են Sony-ի՝ հրապարակված եռամսյակային վերջին՝ 2014թ. հուլիս-սեպտեմբերի հաշվետվությունը: Ըստ այդմ՝ ընկերությունը կրել է 1.15 մլրդ դոլարի վնաս: Իսկ Sony-ի բջջային ստորաբաժանման վնասը հասել է 1.46 մլրդ դոլարի:
Ավելի վաղ Sony-ն ստիպված է եղել նվազեցնել 2014 ֆինանսական տարում (կվերջանա 2015թ. մարտի 31-ին) ամբողջ աշխարհում սմարթֆոնների վաճառքի կանխատեսումը՝ 43 մլն-ից մինչև 41 մլն հատ:
