Համաձայն Պիզայի համալսարանի նյարդաբանական և հոգեբանական գիտությունների բաժինների գիտնականների հետազոտությունների՝ մարդկային ուղեղում գոյություն ունեն գոտիներ, որոնք պատասխանատու են պաթոլոգիական խանդի համար: Ինչպես պարզվել է՝ «Օթելոյի ախտորոշման» արմատները թաքնվում են ուղեղի ճակատային հատվածի կեղևի նեյրոններում, որոնք պատասխանատու են ճանաչողական և էմոցիոնալ գործընթացների համար:
Հետազոտողները բացատրում են, որ ուղեղը կենսաբանորեն ծրագրավորած է սուր խանդի էմոցիաներ արտադրելու համար, որը ուղեկցվում է պաթոլոգիական վարքով և նույնիսկ զուգընկերոջը վնաս պատճառելով:
Խանդով տառապող մարդը վստահ է, որ զուգընկերոջ հետ հարաբերությունը կյանքի միակ իմաստն է, հակված են սիրած մարդու վարքը, խոսքերը և սերը սխալ մեկնաբանելուն, իսկ նրա հետ հավանական բաժանումը ընդունում են որպես աղետ:
Այդ ամենը կարող է բերել անսպասելի ռեակցիաների, ընդհուպ մինչև սպանություն, երբ մարդու ուղեղում արտադրվում է դոպամինի հավելյալ քանակ, որը ամբողջ համակարգը դուրս է բերում հավասարակշռությունից:
Գիտնականների նպատակը մագնիտառեզոնանսային ճանապարհով մարդու բուժումն է այդ ախտանիշից:
