Իրանը, Սիրիան և Իրաքն այսօր համաձայնագիր են ստորագրել Իրանի հարավային հատվածից դեպի Միջերկրականի արևելք և Եվրոպա գազատարի շինարարության մասին, որը կդառնա ԵՄ-ի «Նաբուկո» գազատարի (Միջին Ասիայից և Մերձկասպյան շրջանից դեպի ԵՄ) վտանգավոր մրցակիցը: Նոր նախագիծն արդեն ստացել է «Իսլամական մագիստրալ» անվանումը: Այս մասին հայտնում է ITAR-TASS-ը:
Նախագծի արժեքը 10 մլրդ դոլար է: Սպասվում է, որ Իրանի հարավից Դամասկոս գազատարի 1.5 հազար կմ երկարությամբ հատվածը պատրաստ կլինի 2014-16 թթ.: Ներկայում արդեն գազատարի 661 կմ հատվածը կառուցված է: Դրա նախագծային հզորությունը կազմում է օրական 110 մլն խորանարդ մետր:
Գազատարի շինարարության համար ստեղծվում է միջազգային կոնսորցիում՝ Իրանի, Սիրիայի և Իրաքի պետական ընկերությունների մասնակցությամբ: Այնտեղ են հրավիրվում նաև մասնավոր ընկերություններ, այդ թվում՝ արևմտյան:
