Վրաստանի դատախազությունը պաշտպանության նախկին նախարար Բաչո Ախալայայի փաստաբան Դավիթ Դեկանոիձեին մեղադրում է ծառայողական լիազորությունները գերազանցելու մեջ: Ինչպես հաղորդում է «Գրուզիա Օնլայն»-ը՝ վկայակոչելով Դեկանոիձեին, գործի քննությունը տեղի կունենա հունվարի 18-ին Թբիլիսիի քաղաքային դատարանում:
Նա ներկայացրել է փաստը, որի համաձայն՝ իր դեմ մեղադրանք է ներկայացվել: Դեկանոիձեի խոսքերով՝ 2009 թ. ինքը՝ որպես արբիտր, որոշում է կայացրել ընդդեմ Center Point ընկերության, որին պարտավորեցրել են հօգուտ տուժածների 70 հազար լարիի տուգանք վճարել:
«Դրանից հետո ընկերությունը բողոքարկել է որոշումը, սակայն քաղաքային դատարանը ընդունել է իմ որոշման օրինականությունը, որի հիման վրա Center Point-ը ստիպված է լինում փոխհատուցել վնասը քաղաքացուն: Այժմ դատախազությունը կարծում է, որ ես ընդունել են անօրինական որոշում: Ինձ մեղադրում են քրեական օրենսգրքի 333-րդ հոդվածով »,- նշել է Դեկանոիձեն:
Նրա կարծիքով՝ դատախազությանն ուղղակի դուր չի գալիս ընկերության դեմ կայացրած որոշումը:
