Եվրոպայում մասշտաբային հատուկ գործողության արդյունքում 7 երկրից ոստիկանները 15 մարդու են ձերբակալել համակարգչային լրտեսության կասկածանքով: Այս մասին հայտնում է BBC-ն:
Էստոնացի, ֆրանսիացի, ռումինացի, լատվիացի, իտալացի, նորվեգացի և բրիտանացի ցանցահեններին կասկածում են շարքային օգտատերերի «ջարդված» համակարգիչներից տվյալների գողությանը մասնակցության, նրանց վեբ-տեսախցիկներին հատուկ ծրագրի միջոցով հասանելիություն ստանալու համար:
«Ցանցահենների զոհ են դառնում համացանցի օգտատերերը, որոնք սեղմում են թռուցիկ պատուհաններին, որից հետո վիրուսը վարակում է նրանց համակարգիչները և հանցագործները լրիվ հասանելիություն են ստանում համակարգին»,- հայտարարել են Հանցագործությունների դեմ պայքարի Բրիտանական ազգային գործակալության (NCA) ներկայացուցիչները:
