Nirvana ռոք խմբի նախկին թմբկահար, Foo Fighters-ի առաջնորդ Դեյվ Գրոլը հայտարարել է իր նոր Sound City Players սուպերխմբի կազմը, որի հետ նա ելույթ կունենա «Սանդենս» կինոփառատոնի ժամանակ: Այս մասին գրում է New Musical Express-ը:
Բացի իրենից՝ խմբի կազմում կընդգրկվեն Սթիվի Նիքսը Fleetwood Mac-ից, Nirvana-ից նախկին գործընկերներ Քրիստ Նովոսելիչը և Փեթ Սմեարը, Creedence Clearwater Revival-ի առաջնորդ Ջոն Ֆոգերթին, Թեյլոր Հոկինսը, Նեյթ Մենդելը և Քրիս Շիֆլեթը Foo Fighters-ից, Cheap Trick խմբի կիթառահար Ռիկ Նիլսենը և Rage Against the Machine-ի թմբկահար Բրեդ Ուիլքը:
Խումբը ելույթ կունենա 2013-ի հունվարի 18-ին:
Ավելի վաղ սուպերխմբի հնարավոր անդամներ էին համարվում Ջոշ Օմմը Queens of the Stone Age-ից, Ռիկ Սփրինգֆիլդը, Տրենտ Ռոզնորը Nine Inch Nails-ից, ինչպես նաև Փոլ Մաքարթնին:
Դեյվ Գրոլը բազմիցս մասնակցել է սուպերխմբերի ստեղծմանը: Օրինակ, 1993-ին նա Գրեգ Դուլլի (Afghan Whigs), Մայք Միլլզի (R.E.M.), Տերստեն Մուրի (Sonic Youth) և Դեյվ Փիրների (Soul Asylum) հետ մասնակցել է The Beatles-ի մասին Backbeat ֆիլմի սաունդթրեքի ստեղծմանը: 2004-ին նա ստեղծել է Probot նախագիծը, որին մասնակցել են Sepultura խմբի առաջնորդ Մաքս Կավալերան, Motorhead-ի առաջնորդ Լեմմի Կիլմիստերը և Քինգ Դայմոնդը: Գրոլի վերջին այդպիսի նախագիծը եղել է Them Crooked Vultures-ը, որին մասնակցել են Led Zeppelin-ի բասիստ Ջոն Փոլ Ջոնսի և Queens of the Stone Age-ի առաջատար Ջոշ Օմմի հետ:
