Մեծ Բրիտանիան Եվրամիության հետ հարաբերությունների հարցով հանրաքվե կանցկացնի առաջիկա 5 տարում: Այս մասին BBC-ի եթերում հայտարարել է երկրի վարչապետ Դեվիդ Քեմերոնը:
Նա հրաժարվել է հաղորդել՝ ցանկում կլինի՞ հարց այն մասին, որը կառաջարկի ընտրողներին ուղիղ արտահայտել իրենց կարծիքը ԵՄ-ից Միացյալ Թագավորության լիովին դուրս գալու կամ մնալու մասին:
Միևնույն ժամանակ, Քեմերոնը հասկացրել է, որ այժմ կառավարությունը պատրաստում է հատուկ պլան Բրյուսելի հետ հարաբերությունների կառուցվածքի փոփոխման վերաբերյալ: Լոնդոնը փորձում է վերադարձնել ազգային խորհրդարանի սուվերեն լիազորությունների մի մասը, որոնք փոխանցվել էին ԵՄ միասնական մարմինների իրավասությանը:
«Եվրոպայի առնչությամբ լուրջ բանակցություններ կլինեն»,-խոստացել է նա բրիտանացիներին: Միևնույն ժամանակ, վարչապետն ընդգծել է, որ այդ խորհրդակցությունների արդյունքները չեն ազդում հանրաքվեի անցկացման ամսաթվի վրա:
Մեծ Բրիտանիան մտադիր է դուրս գալ ԵՄ գործունեության մի շարք ընդհանուր ոլորտներից՝ ուժեղացնելու համար ազգային խորհրդարանի դիրքերը: Թագավորությունը ցանկանում է միայն մտնել ԵՄ միասնական տնտեսական գոտի:
Համաձայն վերջին սոցիոլոգիական հարցումների՝ եթե ԵՄ-ում Միացյալ Թագավորության հետագա գտնվելու մասին հարաքվեն անցկացվեր վաղը, ապա դրան դեմ կարտահայտվեր բրիտանցաիների 51 տոկոսը:
