2001 թվականից սկսած՝ Victoria’s Secret-ն իր ամեն մի ցուցադրությանը ներկայացնում է Fantasy Bra էքսքլյուզիվ կրծկալ՝ պատրաստված ազնիվ մետաղից ու զարդարված թանկարժեք քարերով:
Այս տարի ընկերությունը որոշել է անակնկալ անել իր երկրպագուներին և առաջին անգամ Dream Angels Fantasy Bra-ի միանգամից 2 մոդել է ներկայացրել՝ յուրաքանչյուրը 2 մլն դոլար արժողությամբ, գրում է Ell-ը:
Դրանց հեղինակը դարձել է Mouawad հայտնի ոսկերչական տան դիզայներ Պակալ Մուավադը:
Ամեն կրծկալի ստեղծման համար անհրաժեշտ է եղել 16 հազար դեկորատիվ քարեր ու 1380 ժամ աշխատանք:
Այս տարի զարդը կներկայացնեն Victoria’s Secret-ի մոդելներ Ադրիանա Լիման և Ալեսանդրա Ամբրոսիոն:
Ադրիանան արդեն երկու անգամ ցուցադրել է Fantasy Bra-ն՝ 2008 ու 2010 թթ., իսկ Ալեսանդրան՝ 2012-ին:
Victoria’s Secret-ի ցուցադրությունը տեղի կունենա դեկտեմբերի 2-ին Լոնդոնում:
