Գիտնականները, կատարելով գլոբալ հետազոտություն, սիրային հարաբերությունները բաժանել են մի քանի փուլի։ Յուրաքանչյուր մարդ մի շարք զգացմունքներ է ապրում, որոնք ընկալում է որպես անհատական, թեև մեծամասնությունը նմանատիպ հույզեր է ապրում հակառակ սեռի անձի հետ ծանոթության ու մերձեցման ընթացքում։
Առաջին փուլ՝ «թիթեռներ որովայնում»։ Մարդը ձգտում է զուգընկերոջ հետ անցկացնել ամբողջ ժամանակը։ Բոլոր մտքերը նվիրված են միայն սկսվող հարաբերություններին։ Գերակշռում է սեքսուալ ձգտումը։ Հարցվածների 30%-ն այդ փուլում նիհարել են, գրեթե կեսը (39%) պակաս աշխատունակություն են զգացել։
Երկրորդ փուլ՝ «կայացում»։ Մարդիկ մեկը մյուսի մասին ավելին են իմանում, ինչն օգնում է գտնել շփման ընդհանուր կետեր։ Մարդկանց 44-%-ն այդ փուլում քիչ է քնում, 29%-ը բողոքում է ուշադրության նվազումից։
Երրորդ փուլ՝ «ազնվություն»։ Զուգընկերները, ամբողջովին ուսումնասիրելով միմյանց, բացահայտում են բոլորովին ուրիշ մարդու։ Եթե նախկինում մեկնումեկը կարողանում էր զսպել զգացմունքներն ու բողոքները, ապա չորրորդ փուլում ամեն ինչ դուրս է հորդում, ինչը հաճախ հանգեցնում է շուտ վիրավորվելու և կասկածների՝ ընտրության ճիշտ լինելու հարցում։
Հինգերորդ փուլ՝ «կայունություն»։ Հարաբերություններն աստիճանաբար վերածվում են սովորության՝ բառի լավ իմաստով։ Երկու մարդ այնքան են մտերմանում, որ մեկն առանց մյուսի չի պատկերացնում։ Այդ փուլում արտադրվում է օքսիտոցինի մեծ քանակություն, որն ուժեղացնում է կանանց հիանալու և կայուն ընտանեկան բջիջ ստեղծելու ձգտումը, գրում է medvesti.com-ը։
