Սուպերմոդել Նաոմի Քեմբելին կողոպտել են: Հանցագործները նրա վրա են հարձակվել Փարիզում` դեկտեմբերին: Այս մասին հաղորդում է Monsters & Critisc-ը:
Հարձակման հետևանքով մոդելի ոտքը վնասվել է. հանցագործները նրան գետնին են գցել:
Մոդելին մոտ կանգնած աղբյուրի հաղորդմամբ՝ Քեմբելին կողոպտել են այն ժամանակ, երբ նա Փարիզում փորձել է տաքսի կանգնեցնել: Մոդելը կարծիք է հայտնել, որ իրեն հետևել են ու սպասել հարմար պահի, երբ ինքը մենակ կմնա, ու հարձակվել են:
Հայտնի չէ, թե հատկապես ինչ են գողացել նրանից: Ենթադրաբար, գողերի թիրախը նրա թանկարժեք ոսկերչական զարդերն էին:
Փարիզի ոստիկանության մեկնաբանությունները չեն ներկայացվում:
Հայտնի է, որ մոդելի ընկերը՝ գործարար Վլադիմիր Դորոնինը, սիրեցյալին ուղարկել էր Կոլորադո` բուժվելու:
2012թ. վերջին 2 օրը Նաոմին անցկացրել է հաշմանդամի սայլակին, ինչի պատճառով զրկվել Ռոման Աբրամովիչի երեկույթին մասնակցելու հնարավորությունից:
