Ամերիկացի երգիչ Բոբ Դիլանը իր նոր՝ Shadows in the night անվանումով ալբոմը կներկայացնի 2015թ.: Այս մասին տեղեկացնում է The Rolling Stone ամսագիրը:
Դեռ հայտնի չէ ոչ իրացման հստակ օրը, ոչ ալբոմի կոմպոզիցիաների թիվը, սակայն պարբերականը ենթադրում է, որ այն կազմված կլինի Ֆրենկ Սինատրայի երգերի քավեր-տարբերակներից: Դա կդառնա 73-ամյա Դիլանի 34-րդ ստուդիական ալբոմը:
Երգիչը դեռ մայիսին էր իր պաշտոնական կայքում հրապարակել Սինատրայի Full Moon and Empty Arms երգի քավերը, իսկ գլխավոր էջում հայտնվել էր երգչի դիմանկարը՝ Shadows in the night գրությամբ, որը նման է ձայնասկավառակի շապիկի: