«Անցնող տարվա ամենակարևոր իրադարձությունն այն էր, որ անցավ: Եկող տարվա ամենակարևոր իրադարձությունն էլ այն կլինի, որ գալիս է». այսպիսի լակոնիկ պատասխան տվեց «Բարգավաճ Հայաստան» խմբակցության պատգամավոր, ապարանցի Լյովա Խաչատրյանը՝ պատասխանելով «Առաջին լրատվական»-ի հարցին՝ ո՞րն է 2012թ. կարևոր իրադարձությունը, և ո՞րը կարող է լինել 2013-ի կարևոր իրադարձությունը:
Իսկ ինչ վերաբերում է ամանորյա մաղթանքներին, ապա պատգամավորը դա արեց գրեթե կենացի ոճով՝ «Տոներդ շնորհավոր լինի, ուրախ տարի լինի: Կարևոր է, որ տարին ավարտում ենք. հաջողություն լինի, տնտեսական աճի տարի լինի»:
