«Կարծում եմ, որ սա զարգացման բյուջե չի կարող լինել՝ հաշվի առնելով ենթադրվող 4 տոկոս տնտեսական աճը»,- «Առաջին լրատվական»-ի հետ զրույցում ասաց ԱԺ «Բարգավաճ Հայաստան» խմբակցության պատգամավոր Միքայել Մելքումյանը՝ անդրադառնալով 2015 թ. բյուջեի նախագծին, որն արդեն քննարկվում է Ազգային ժողովի մշտական հանձնաժողովներում:
Իսկ ի՞նչ է նշանակում այն հանգամանքը, որ հարկեր/ՀՆԱ հարաբերակցությունը պահվում է անցած տարվա 23,24 տոկոսի մակարդակին, և գոնե ամեն տարվա նման 0,3-0,4 տոկոսի աճ չի նախատեսվում: «Ինչի՞ հաշվին է պահվում: Կարող է՝ պահվում է անվանական ՀՆԱ-ի իջեցման հաշվին, պահպանման հաշվին, ստվերի հաշվին, հարկային բեռի ավելացման հաշվին: Ուրեմն, պետք է առանձին քննարկել անվանական ՀՆԱ-ի կառուցվածքը և հարկային քաղաքականության առանձնահատկությունները՝ նոր եզրակացնել»,- պատասխանեց Մ. Մելքումյանը:
