Մեծ Բրիտանիայի գլխավոր օդերևութաբանական ծառայությունը խոստանում է ավելի ստույգ կանխատեսումներ անել իր նոր գերհամակարգչի շնորհիվ, որն արժե 97 մլն ֆունտ ստերլինգ և կշռում է 140 տոննա: Այս մասին գրում է The Guardian-ը:
Կառավարության ֆինանսավորմամբ High Performance Computer-ի (HPC) ստեղծումը կսկսվի 2015թ. Էքսետերի տեխնոպարկում: Համակարգիչը կկարողանա ժամանակին նախազգուշացնել ջրհեղեղների, ուժգին քամու, մառախուղի և ուժեղ ձյան մասին: Սպասվում է, որ համակարգչի առաջին կանխատեսումները կստացվեն 2015թ. սեպտեմբերին, բայց ամբողջ հզորությամբ HPC-ն կաշխատի միայն մինչև 2017 թվականը:
Նոր գերհամակարգիչը կկարողանա 16 տրլն հաշվարկ անել 1 վայրկյանում: Դա 13 անգամ արագ է բրիտանական օդերևութաբանական ծառայության ներկայիս սարքավորումներից: Թերթը նշում է, որ HPC-ն կլինի աշխարհի ամենահզոր համակարգիչներից մեկը:
Բացի եղանակի կանխատեսումից՝ HPC-ն կօգտագործվի նաև կլիմայի հետագա փոփոխությունների մոդելավորման համար:
