ԱՄՆ Կալիֆոռնիա նահանգի Norco բանտում կալանավորների համար թողարկել են հատուկ թատերական նախագիծ: Վարպետության դասերն անցկացնում է հոլիվուդյան հայտնի դերասան Թիմ Ռոբինսը՝ գրում է Fullpicture.ru-ն:
Նշենք, որ Norco-ում մեծ ուշադրություն են դարձնում բանտում կալանավորների հետ աշխատանքին՝ նվազեցնելու համար կրկնակի հանցագործությունները: Այստեղ իրականացվող Gang Prison Project նախագիծը գործում է 2006-ից:
Պարզվում է՝ թատերական պարապմունքներին մասնակցելը կալանավորներին սովորեցնում է կարեկցանք կամ էմպատիա: Թատերական վարպետության դասերն օգնում են նաև կառավարել սեփական հույզերը, ավելի հաճախ՝ բացասական:
Այս անգամ Թիմ Ռոբինսի ղեկավարությամբ կալանավորները մասնակցում են դել արտե կատակերգական ներկայացմանը:
Վարպետության դասերի ժամանակ բոլոր մասնակիցները խաղում են կարճ տեսարաններում: Ամեն ինչ տեղի է ունենում ինչպես սովորական ներկայացումների ժամանակ՝ դիմահարդարում, անհրաժեշտության դեպքում նաև՝ դիմակներ:
