Dr. Feelgood-ի կիթառահար Վիլկո Ջոնսոնը հայտնել է, որ ինքը բուժվել է քաղցկեղից: Ինչպես գրում է Belfast Telegraph-ը, նա մտադիր է շարունակել իր համերգային գործունեությունը:
Ջոնսոնի մոտ ենթաստամոքսային գեղձի քաղցկեղ են ախտորոշել 2012-ին: Երաժշտի խոսքով՝ բժիշկները նախազգուշացրել էին, որ նա ունի ընդամենը 10 ամսվա կյանք:
Չնայած բժիշկների կանխատեսումներին՝ կիթառահարը որոշել էր ուղևորվել համաշխարհային շրջագայության, քանի որ դա իր համար վերջինն էր լինելու:
Բացի այդ՝ նա The Who խմբի կիթառահար Ռոջեր Դոլթրիի հետ համատեղ ալբոմ է ձայնագրել:
«Երբ ես հերթական անգամ եկա հիվանդանոց, բժիշկը զարմացավ, թե ինչու եմ ես դեռ ողջ: Ինձ վիրահատեցին, որը տևեց 11 ժամ: Մարմնիցս դուրս բերեցին 3 կգ-անոց ուռուցք: Դրանով ես ամեն երեկո դուրս էի եկել բեմ: Ինձ բուժեցին»,- The Guardian-ը մեջբերում է Ջոնսոնի խոսքերը:
Dr. Feelgood-ը ռոք խումբ է, որն ստեղծվել է 1971-ին՝ Էսեքս քաղաքում:
