Բոստոնում RR Auction աճուրդի տան կազմակերպած աճուրդում նախօրեին 34 հազար դոլարով վաճառվել են ԱՄՆ 35-րդ նախագահ Ջոն Քենեդու ու Ժակլին Բուվյեի հարսանեկան լուսանկարների 13 նեգատիվներ՝ հայտնում է TASS-ը՝ հղում անելով աճուրդի կազմակերպիչներին:
Հարսանեկան արարողությունը տեղի է ունեցել 1953թ. սեպտեմբերի 12-ին՝ Նյուպորտ քաղաքի եկեղեցիներից մեկում: Արարողությանը ներկա է եղել ավելի քան 700 հյուր:
Լուսանկարիչ Ֆրենկ Էթեմանին պատկանող նեգատիվների մեկնարկային գինը եղել է 200 դոլար: Աճուրդի ժամանակ դրանց գինն աճել է մոտավորապես 170 անգամ:
Բոլոր 13 լոտերն էլ ձեռք է բերել Լաս Վեգասից մի բժիշկ, որը ցանկացել է անհայտ մնալ:
