Չեչնիայի նախագահ Ռամզան Կադիրովը ստացել է կարատեի սև գոտի: Իր Instagram-ում նա գրել է, որ իր «մարզական կյանքում տեղի է ունեցել մեծ իրադարձություն»:
«Լեգենդար Շոկեյ Մացուիի (Shokei Matsui, ճապոնիա) կիոկուշինկայ-կարատեի միջազգային ասոցիացիան ինձ հանձնել է 5-րդ դան սև գոտի: Ինձ համար մեծ պատիվ է դառնալ նման բարձր տիտղոսի կրող»,- հայտնել է չեչեն ղեկավարը: Նրա խոսքով՝ փաստաթուղթը ստորագրել է 8-րդ դան ունեցող անձը:
«Ինձ գոտի ու սերտիֆիկատ հանձնեց կիոկուշինկայ-կարատեի ասոցիացիայի գլխավոր մարզիչ Ալեքսանդր Ալիմովը: Ես շնորհակալ եմ իմ մարզիչ Լեչի Կուրբանովին, որի հետ պարապում եմ երկար ժամանակ»,- հավելել է Կադիրովը:
Կիոկուշինկայը կոնտակտային կարատեի ամենադժվար ու դաժան տեսակներից է, որը հիմնվել է անցած դարի 50-ականներին:
Վարպետության ամենաբարձր աստիճանը համարվում է 10-րդ դանը. ով ձեռք բերի այն, կստանա կարմիր գոտի:
