Լուսանկարիչները «կամավոր» մարդիկ չեն: Այսպես, օրինակ, խմբագրությունը հաձնարարում է լուսանկարել որևէ աստղի որևէ միջավայրում, գրում է Spletnik-ը: Իսկ լուսանկարչի և տվյալ աստղի հարաբերությունները խմբագրությանն առանձնապես չի անհանգստացնում:
Սակայն երբեմն ժամանակի ընթացքում լուսանկարիչները ձեռք են բերում «աստղային կարգավիճակ» ու իրենք են ընտրում և՛ հերոսներին, և՛ կերպարները:
Լուսանկարիչներ Մարկուս Կլինկոն և Ինդրանի Պալ-Չադուհուրին միասին արդեն 17 տարի է, ինչ աշխատում են հայտնի մարդկանց հետ: Կարիերայի այսքան երկար ժամանակահատվածում նրանք ևս ունեն իրենց սիրելի աստղերը`նրանք, ում լուսանկարիչները համարում են ոճի կուռքեր, ժամանակաշրջանի հերոսներ, ովքեր ոչ թե հետևում են նորաձևությանը, այլ ձևավորում են այն:
Թերթելով իրենց արխիվները`Կլինկոն և Ինդրանին հրատարակեցին «Կուռքեր» գիրքը, որտեղ ընդգրկված են այն բոլոր վառ և խարիզմատիկ աստղերը, որոնց չի հաջողվել խուսափել նրանց լուսանկարչական սարքից`Լեդի Գագան, Դիտա Ֆոն Տիզը, Բեյոնսեն`ամուսնու`Ջեյ-Զիի հետ, Բրիթնի Սփիրսը, Քեյթի Հոլմսը, Էվա Մենդեսը և այլք:
«Կուռքեր» գիրքն արդեն վաճառքում է և արժե 25 դոլար:
