Իսպանական Վալենսիայում անցկացվել է ցույց՝ պահանջելով քաղաքական փոփոխություններ, պայքար՝ ընդդեմ կոռուպցիայի, ավտորիտարիզմի, հակասոցիական քաղաքականության, ընդդեմ վալենսական լեզվի և մշակույթի ոտնահարումների, ինչպես նաև հաջակցություն հարևան Կատալոնիայի ինքնորոշման իրավունքի: Քաղաքի կենտրոնում անցկացված հանրահավաքին մասնակցել են Իսպանիայի մոտ հազար քաղաքացիներ: Այս մասին հայտնում է RIA Novosti-ն:
Ցուցարարները վանկարկել են կարգախոսներ՝ հաջակցություն հանրաքվե անցկացնելու Կատալոնիայի իրավունքի:
Ակցիան անցկացվել է «Մենք կարող ենք փոխել Վալենսիան» կարգախոսի ներքո: Ցույցը կազմակերպվել էր Comissió 9 d’Octubre («Հոկտեմբերի 9-ի հանձնաժողով») միության կողմից, որի մեջ մտնում են տարբեր ձախ շարժումներ, արհմիություններ և սոցիալական կազմակերպություններ:
«Մենք մտադիր չենք շարունակել հաշտվել այդ ավտորիտարիզմի, վալենսական լեզվի ու մշակույթի ոտնահարումների հետ»,- ասել են կազմակերպիչները:
