Պարզվում է՝ մեծ հավանականություն կա, որ աշխատանքը կորցրած տղամարդու կինը կբաժանվի ամուսնուց: Դա ապացուցվել է Օհայո նահանգի համալսարանի կողմից անցկացված ուսումնասիրությունների արդյունքում, որի առարկան ամուսնությունից անբավարարվածության և զբաղվածության միջև կապն է եղել: Փորձաքննությունը հաստատել է, որ եթե տղամարդը զրկվում է աշխատանքից, ապա մեծանում է ամուսնալուծության վտանգը: Ինչո՞ւ է դա տեղի ունենում: Գիտնականներին հաջողվել է հայտնաբերել ամուսնու աշխատանքը կորցնելու և ամուսնալուծության միջև կապը. եթե ընտանիքում անընդհատ լարվածություն է տիրում, ապա ամուսնու աշխատանքից ազատվելը հարաբերությունների դադարեցման ևս մեկ պատճառ է հանդիսանում: Որոշ վատ սովորույթներ, որոնք հատուկ էին ամուսնուն, աշխատանքը կորցնելու հետ սրվում են: Ընդ որում, աշխատանքը կորցրած տղամարդիկ չեն օգնում տնային գործերում, այլ միայն բողոքում են ճակատագրից և ոչինչ չեն անում:
Իսկ կանայք, իրենց հերթին, ամբողջ ուժերով ընտանիքը պահպանելու փոխարեն, ցուցադրում են իրենց դժգոհությունը՝ հրահրելով ամուսնալուծությունը: Լարվածությունն անտանելի է դառնում, դրան հետևում են սթրեսներն ու վախերը, մասնավորապես՝ կապված ապագայի և ֆինանսական ճգնաժամի հետ:
Տղամարդն ընտանիքը կերակրողն է, նա պետք է հոգ տանի իր ընտանիքի մասին: Բայց նա դա չի անում: Արդյունքում այնպիսի իրավիճակ է ստեղծվում, որ կինն ուլտիմատում է ներկայացնում. նա ամուսնալուծվել է ցանկանում: Իսկ տղամարդը, փոխանակ աշխատանք գտնի, ավելի հեշտ ճանապարհով է գնում և համաձայում է ամուսնալուծվել:
