Մադրիդի «Ռեալ»-ի նախագահ Ֆլորենտինո Պերեսի կարծիքով` իր թիմը Չեմպիոնների Լիգայի գավաթի խաղարկության 1/8 եզրափակչի շրջանակներում կայանալիք խաղում կարող է առավելության հասնել «Մանչեսթեր Յունայթեդ»-ի նկատմամբ: Այդ մասին են հայտնում իսպանական լրատվամիջոցները:
Պերեսը նշել է, որ «արքայական ակումբ»-ը հաջող է խաղում «կարմիր սատանաներ»-ի դեմ:
«Կարծում եմ` վիճակահանության արդյունքները մեզ համար հաջող են: Արդեն 2 անգամ խաղացել ենք «Մանչեսթեր Յունայթեդ»-ի դեմ և առավելության հասել»,- հայտարարել է Պերեսը:
Հիշեցնենք` ավելի վաղ իսպանական լրատվամիջոցներում լուրեր էին շրջանառվում, որ Պերեսը կարող է լքել «Ռեալ»-ը` թիմի գլխավոր մարզիչ Ժոզե Մոուրինյոյի պատճառով: Նշվում էր, որ պորտուգալացի մասնագետի վարքը ազդեցություն է թողնում Պերեսի հեղինակության վրա:
