Թուրքական Miliyet թերթի փոխանցմամբ, վերջին շրջանում մի շարք դավեր բացահայտած Աբդուլլահ Օջալանն իր փաստաբանների միջոցով հանդես է եկել սենսացիոն հայտարարությամբ, որը, չգիտես ինչու, դուրս է մնացել քրդական Fırat լրատվական գործակալության ուշադրությունից.
«Մերձավոր Արևելքում սկսված ժողովրդավարական ապստամբությունների նախաձեռնողը ԱՄՆ-ն է (ՆԱՏՕ-ն): Ավելին, ԱՄՆ-ը այդ պլանում առաջին լիկվիդացումն սկսել է հենց մեզանից` «Քրդստանի աշխատավորական կուսակցությունից» (PKK), և դա տեղի է ունեցել դեռևս 1985 թվականին ու շարունակվել մինչև 1999 թվականին իմ ձերբակալվելը:
Այս տարածաշրջանում ՆԱՏՕ-ի 5-րդ հոդվածն առաջին անգամ ուղղվել է հենց մեր դեմ, ապա դա իրենց մաշկի վրա սկսեց զգալ արաբական երկրների մեծ մասը: Այժմ Լիբիայի ու Սիրիայի հերթն է»:
Հիշեցնենք, որ ՆԱՏՕ-ի կանոնադրության 5-րդ հոդվածն ասում է. «ՆԱՏՕ-ի անդամ երկրները պարտավորվում են իրենցից մեկի կամ մի քանիսի նկատմամբ գործված ռազմական հարձակումը դիտարկել որպես հարձակում ողջ ՆԱՏՕ-ի դեմ, և ՆԱՏՕ-ի անդամ մյուս երկրները պարտավորվում են անմիջապես օգնության հասնել (այդ թվում նաև զինված ուժերի ներգրավմամբ) հարձակման ենթարկված այդ երկրին կամ երկրներին»:
