«Այսօր գյուղացուն առաջինը ջուր է պետք, ջուրը կտրել են, ամայի է, սաղ չորացած է, վաղը մյուս օրը դնելու են փող ուզեն, գյուղացուն դատի տան»,- «Առաջին լրատվական»-ի հետ զրույցում այս մասին ասացին Մաշտոցի գյուղմթերքի շուկայում իրենց մթերքը վաճառող գյուղացիները՝ հավելով, որ ջուր չլինելու պատճառով ամբողջ բերքը վնասված է: Օրինակ՝ դեղձը վաճառում են 70 դրամով, բայց կարող էին դա անել 200 դրամով, եթե ջրած լինեին:
Գյուղացիները նաև նկատեցին, որ չեն կարողանում վարկերը մարել, քանի որ անջրդի հողերից հնարավոր չէ եկամուտ ապահովել:Նրանք նաև ընգծեցին, որ ջրի խնդրով ճանպարհ են փակել, դիմել Գյուղատնտեսության նախարարին, բայց վերջինս ասել է, որ դա ՀՀ Ջրային տնտեսության պետական կոմիտեի իրավասության ներքո է: Մեր նկարահանումների ժամանակ շուկայում շրջում էր նաև գյուղփոխնախարար Ռոբերտ Մակարյանը:Գյուղացիները իրենց խնդիրները փորձեցին ներկայացնել նաև նրան: Վերջինս հորդորեց, ամբողջական խնդիրները ներկայացնել ,որպեսզի կարողանան ուսումասիրել և տեսնել՝ թե ինչ կարող են անել:
Առավել մանրամասն՝ տեսանյութում
