Կիևում սկսվել է «Ցանկանում եմ երգել «ՎԻԱ Գրա»-ում» մրցույթը: Ինտերնետ-դիմումներն ընդունվում են դեկտեմբերի 3-ից:
Շոուի կազմակերպիչները պնդում են, որ այս ծրագիրը հանդիսատեսին ցնցել է իր չափերով և յուրօրինակությամբ: Մրցույթին մասնակցել ցանկացողների թիվն, ովքեր պետք է երգեն, պարեն և զարմացնեն ժյուրիին, արդեն անցել է մի քանի հազարը:
Խմբում երգելու բազմաթիվ աղջիկների ցանկությունը շտապել են օգտագործել խարդախները: Հայտնի է դարձել, որ հեշտ փողերի որոշ սիրահարներ առաջարկել են աղջիկներին արտահերթ լսումներ՝ խմբի պրոդյուսեր Կոնստանտին Մելաձեի մոտ:
Բնականաբար, այս մարդիկ խոստացել էին, որ աղջիկների շանսերն արտահերթ լսումներից հետո կաճեն: Լսումներ կազմակերպելու համար նրանք 400 եվրո են պահանջել:
Կոնստանտին Մելաձեն, լսելով դրա մասին, վրդովվել է և տեղեկացրել, որ լսումներն անվճար են, և մրցույթում հաղթելու միակ միջոցը բոլորից լավ հանդես գալն է:
