Դուբայում կկառուցվի աշխարհում ամենամեծ առևտրի կենտրոնը: Շինարարությունը կսկսվի 2015թ. առաջին եռամսյակում: Այս մասին հայտնում է Emirates 24/7-ը՝ հղում կատարելով ներդրումային Dubai Holding ընկերությանը:
Կենտրոնի ենթադրյալ անվանումը The Mall of the World է: Նոր կենտրոնի ընդհանուր մակերեսը կազմում է 4,5 մլն քառակուսի մետր: Նախագծի արժեքն է 6,8 մլրդ դոլար:
Ենթադրվում է, որ ամեն տարի առևտրի կենտրոն կայցելի 180 մլն մարդ:
Բացի խանութներից՝ տարածքում կբացվեն 20 հազար հյուրանոցային համարներով հյուրանոցներ, բժշկական հաստատություններ, թատրոն, կինո, կրկես, այգի, զվարճանքների ընտանեկան կենտրոն:
