Լեհաստանը կարող է եվրոգոտի մտնել 2016թ-ի հունվարի 1-ից: Նման կանխատեսումով հանդես է եկել նախագահի խորհրդական Ռոման Կուզնյարը՝ հաղորդում է Reuters-ը:
«Մենք պետք է հասկանանք, որ ինչքան ուշ դա անենքն, այնքան դժվար կլինի մեզ համար, քանի որ այդ ընթացքում եվրոգոտին կզարգանա: Ի հայտ կգան նոր չափորոշիչներ, որոնց պետք է համապատասխանել 5. 6. 7 տարի հետո եվրոգոտու կազմի մեջ մտնելու համար»,- ընդգծել է նա: Լեհ քաղաքական գործիչները անհանգստացած են նրանով, որ եվրոգոտու իշխանությունները կարող են ծայրահեղ քայլերի դիմել ճգնաժամի դեմ պայքարելու համար:
Նշենք, որ նախօրեին նմանատիպ դիրքորոշում էր հայտնել Լեհաստանի վարչապետ Դոնալդ Թուսկը: Նրա խոսքերով՝ երկիրը պետք է կողմնորոշվի արժութային բլոկին միավորվելու որոշման հարցում, սակայն կառավարության ղեկավարը կոնկրետ ժամկետներ չի հաղորդել:
Միևնույն ժամանակ Լեհաստանի նախագահ Բրոնիսլավ Կոմորովսկին նոյեմբերի 20-ին հաղորդել է, որ երկիրը եվրոգոտի մտնելուն պատրաստ կլինի 2015թ-ին:
