ԱՄՆ իշխանությունները անմեղ են ճանաչել Կալիֆոռնիայի Մանտեկա քաղաքի փողոցներից մեկում 11 փամփուշտով մի տղամարդու սպանած ոստիկանին: Այս մասին գրում է Manteca Bulletin-ը:
Սկանդալի կենտրոնում հայտնվածը քաղաքի ոստիկանության սպա Ջեյսմ Մուդին է: Նախնական ստուգման արդյունքներով՝ նրա դեմ ոչ միայն գործ չի հարուցվել, այլև նա վերադարձել է ծառայության:
Դեպքը տեղի էր ունեցել 2011 թվականի հունիսի 11-ին: Ոստիկանը 13 անգամ կրակել էր 34-ամյա Էռնեստո Դուենեսի ուղղությամբ, սակայն 11 փամփուշտ էր նրան դիպչել: Կադրերը ֆիքսել էր պարեկային մեքենայի վրա տեղադրված տեսախցիկը: Այդ օրը իրավապահը դարանակալել էր ՝ ձերբակալելու տնային բռնության մեջ կասկածվողին:
Երբ տանն է մոտեցել սպիտակ մեքենան, որում ուղևորի նստելատեղին եղել է կասկածյալը, ոստիկանը սկսել է ձերբակալման օպերացիան:
Համաձայն պաշտոնական ոստիկանական վարկածի՝ կասկածյալի աջ ձեռքում դանակ է եղել: Սակայն զոհվածի փաստաբանները պնդում են, որ նա անզեն է եղել:
«Անմիջապես ցա՛ծ գցեք դանակը, ձեռքերը վե´ր, մի´ շարժվեք, այլապես կկրակեմ»,- ձայնագրության մեջ լսվում են Մուդիի բղավոցները:
Զոհվածի փաստաբանները որոշել են հրապարակել տեսանյութն այն բանից հետ, երբ դատարանը ոստիկանի գործողությունները օրինական է ճանաչել:
